پاکستاني رسنیو خبر ورکړی، چې ملي اسامبلې ته د اساسي قانون د ۲۷م تعدیل یوه مسوده وړاندې شوې.
د دې مسودې له مخې به په پاکستان کې د پوځ فیلډ مارشال د ټول عمر لپاره مارشال پاتې کېږي او ځانګړي امتیازات به ترلاسه کوي.
یاده مسوده چې تېره ورځ د سنا جرګې غونډې ته وړاندې شوه او لا تر اوسه وروستۍ شوې نه ده، د پاکستان په پوځي جوړښت کې پنځه بنسټیز بدلونونه راولي.
په همدې مهال، د پاکستان اپوزسیون او مدني ټولنې پر دې بدلونونو سختې نیوکې کړې دي.
د دوی په وینا، دا تعدیل به په هېواد کې د واک د توازن کاسه نور هم د پوځ په ګټه درنه کړي او ملکي اداره به د پخوا په پرتله لا کمزورې کړي.
دغه چمتو شوی تعدیل تر ډېره هغه وخت مطرح شو، چې د ۲۰۲۵م کال د مۍ میاشتې په جګړه کې د پاکستان او هندوستان د پوځیانو د نښتې وروسته، حکومت د پوځ مشر عاصم منیر ته د فیلډ مارشال رتبه ورکړه.
Total Views:
0
