پاکستاني رسنیو راپور ورکړی چې د پاکستان حکومت او د تحریک انصاف په مشرۍ د اپوزیسیون ترمنځ د خبرو دویم پړاو هم بې پایلې پای ته رسېدلی او دواړه لوري لا هم یوې هوکړې ته نه دي رسېدلي.
د راپورونو له مخې، د خبرو اصلي موضوع د تحریک انصاف له خوا اسلام اباد ته د پراخو لاریونونو د پیلولو مسله وه. دواړو لورو د غونډې جزییات له رسنیو سره نه دي شریک کړي.
بلخوا، د خیبر پښتونخوا اعلی وزیر سهیل افریدي ویلي چې د اکتوبر د څلورمې لپاره پلان شوي لوی لاریونونه به نن له لکي مروت څخه پیل شي.
Total Views:
1