فارس خبري اژانس، چې له سپاه پاسداران سره تړاو لري د سرچینو له قوله راپور ورکړی چې دوه توغندي د امریکا د سمندري ځواکونو پر یوه پوځي بيړۍ لګېدلي دي.
په راپور کې ادعا شوې چې دغه جنګي بيړۍ د جاسک شاوخوا کې د هرمز تنګي د تېرېدو په حال کې وه، او د ایران د سمندري ځواکونو له خبرداري وروسته د برید هدف ګرځېدلې ده.
فارس ویلي چې د توغندیو له لګېدو وروسته دغه پوځي بيړۍ خپل حرکت بند کړی او له سیمې د شا تګ مجبور شوی دی.
خو بل لور ته، یوه لوړپوړي امریکايي چارواکي د اکسيوس خبريال باراک راوید ته ویلي چې د دې برید په اړه د فارس راپور ناسم دی او دغه ادعا ردوي.
تر دې وړاندې د ایران د پوځ د عامه اړیکو دفتر ویلي وو چې د سمندري ځواکونو د سخت او فوري خبرداري له امله د امریکا او اسرائیل د ځینو جنګي بېړیو د هرمز تنګي ته د ننه کېدو مخه نیول شوې ده.
Total Views:
0