د ټولګټو چارو وزارت وايي، چې تېره اونۍ د رېل پټلۍ له لارې ۱۶۳ زره او ۴۳۷ مټریک ټنه سوداګریز توکي انتقال شوي دي.
د یاد وزارت په وینا، د حیرتان بندر له لارې ۱۱۷ زره ۲۱۳ ټنه، د اقینې بندر له لارې ۱۳ زره ۳۰۴ ټنه، د تورغونډۍ بندر له لارې ۱۸ زره ۸۳۸ ټنه او د خواف–هرات رېل پټلۍ له لارې ۱۴ زره ۸۲ ټنه توکي لېږدول شوي دي.
د معلوماتو له مخې، په تېره اونۍ کې ۲۰۲ ټنه صادرات شوي چې ډېره برخه یې د انار جوس دی.
یاد وزارت زیاتوي، د رېل پټلۍ له لارې د انتقالاتو او صادراتو زیاتوالی د کاري فرصتونو د رامنځته کېدو او عوایدو د زیاتېدو لامل ګرځي.
Total Views:
0
